حبيتها واتخطبت لواحد تاني ولسة بتكلمني ..انصحوني !!

سلام عليكم استاذه عواطف ،
قصتي باختصار ، اني كنت بحب صديقتي في الكليه لمده سنتين و نص ، كنت بحبها بمعني كلمه حب ، الكلمه دي للي فاهم معناها يبقي فاهم وصف مختصر كتير لكلامي..
حصل مشاكل بينا و سابتني ، و اتخطبت بعدها بشهر و رجعت تكلمني في خطوبتها كذا مره كاصحاب ، بس مكنتش عارف ابقي صاحب ليها ، حتي لو هيا بتظهر او بتتعامل علي الاساس ده. كل ما اسالها بتكلمني ليه ، ردها بيبقي برتاح و ببقي مبسوطه ، حتي لو كنا بنتكلم قليل ، لانها بتكلم خطيبها طبعا..
مش عارف انا بقبل علي نفسي ده ليه، فعلا مش عارف امتي هتعلم..
كل مره نتكلم شويه و اقولها كفايه كده اللي بنعمله ده غلط ، و بضطر اعاملها بطريقه مش حابب اتعامل معاها بيها لاني لسه بحبها ،
كل مره بترجع تكلمني تاني..
انا لا عارف انساها ولا عارف ابقي معاها او قادر اقولها نرجع لاني مستحيل هقولها كده
هيا اللي لازم تطلب ، و انا معرفش اذا كنت عايز نرحع او لا..
هيا حاليا في فتره مشاكل مع خطيبها و بتفكر تسيبه و بتكلمني علي أساس اننا أصحاب و سياق كلمنا مفهوش اي كلمه حب..
بس انا بحبها و مش فاهم معني كلامها معايا ، هل فعلا عشان احنا قريبين من بعض بتكلمني عشان بترتاح معايا ولا هيا كمان بتحبني و لان شخصيتها قويه مش راضيه تظهر حبها..
انا عايز ابطل تفكير فيها ، عايز انهي الموضوع سواء نرجع او ننسي بعض
انصحوني لاني محتاج النصيحه جدا .

 

مروان - مصر 

هي لا تحبك ولا تريدك هي تحب نفسها وتطمع في كل شيء مخطوبة ، وفي نفس الوقت عينها فارغة ، لا يمكنها البعد عنك هي لا تحبك لكنها تحب حبك لها الذي لم تجده في خطيبها ، لكنها في نفس الوقت وجدت فيه مالم تجده فيك
ولذلك هي تركتك وخطبت له ، إما أنها ضايعة ولا تعرف ماذا تريد ومن تريد أو أنها تعرف جيداً أنها تريد خطيبها ، لكنها في نفس الوقت تطمع فيك وفي أن تتحدث إليك ، وتري أن وجودك في حياتها مكسب لك ، ولن تتركك تفكر بغيرها
انت لا تترك نفسك لعبة في يد فتاة أنت لا تعني لها شيئ ولو أنك تعني لها او لو أنها تحبك ربع ما تبحها وتكن لك جزء ضئيل من مشاعرك تجاهها لما كان هذا موقفها
ولما كانت تلك تصرفاتها ، هي لا تستحق منك التفكير ولا العناء ، تخون خطيبها بمنتهي الأريحية ودون أي إحساس بالذنب ، وخانتك من قبل رغم الحب الكبير وخطبت لغيرك ، منتهي العبث والاستهتار تلك فتاة غير أمينة بالمرة ، كيف لك أن تثق بها رغم كل ما تراه منها
قوي قلبك وتغلب علي ضعفك تجاهها واتركها وابحث عن فتاة أخري تليق بك ولا تعتبرك مجرد استبن مركون ع الرف ، ابحث عن فتاة تكن أنت في حياتها كل شيء لا تقبل هذا الهوان علي نفسك ، ولا تضحي لاجل من لا يستحق منك التضحية
لا تفعل المستحيل من اجل من لا يفعل لك الممكن .

lahona
الاسم *
البريد الالكتروني
الدولة
عنوان التعليق *
نص التعليق *