بعد ذل وإهانة 7 سنين طالب يرجع لي ..انصحوني!!

مرحبا
انا بنت فلسطينية حبيت شب فلسطيني بس لاجئ بدولة تانية وما بيقدر يجي ع فلسطين. المهم حبيته من كل قلبي وكان حبي لاله جنوني وكنت مخلصة جدا وكنت ارفض كل عريس بيتقدملي. بالأول كان بيحبني بعد بسنة اكتتشفت انو في بنت بحياته واتغير معي صرت زي المجنونة اتصل فيه وابكي وهو يبهدل في ويقلي انسيني انا ما بدي ياكي…بس انا عاطفية زيادة وكنت مصدومة ومش متقبلة فكرة انو في حد بحياته وانو يبطل يحبني ضليت متمسكة فيه لحد ما ترك البنت ورجعلي وقلي انو ما بيتركني ولو بكنوز الدنيا ورجعنا لبعض ووقفت جنبه بكل موقف سيء بحياته وكنت سند ليه بشهادته. كان يشتغل بدبي ومع الازمة المالية خسر شغله ورجع للبلد الي اهله عايشين فيها. وهناك انا قلتله ما بتخلى عنك ولو كنت معدم ورح ضل احبك للاخر ولكن للاسف صرت اكتشف كل يوم انو متعرف على بنت جديدة ويهيني ويبهدلني ويقلي اطلعي من حياتي انت متل اللزقة ملزقة فيي. انا ما كنت بعرف ليش هيك انا بعمل في نفسي ومتمسكة بانسان خانني وبقلي بالصريح ما بدي ياكي اطلعي من حياتي وكان يخلي البنات يحكوا معي ويبهدلوني…..انا ظلمت نفسي جدا جدا , كنت بحبه حب جنوني حب ما في بنت حبته لشب في العالم وكنت مخلصة الو جدا جدا جدا ….الغريب في الموضوع انو هو كان ما بدو ياني بس كان اناني وبنفس الوقت ما بدو ياني فعليا اطلع من حياته او هيك كنت احس…..عملت عشانه المستحيل اللي ما في بالبنت بالعالم ممكن تعمله عشان شب وبشهادته وهو عارف قيمتي كويس جدا وكان دايما بيقلي انت احسن بنت في العالم وانضف بنت في العالم والي في رجلك احسن من اي بنت في العالم وبوثق فيكي متل ما بوثق في امي …بعد سبع سنين من حبي الجنوني لاله واهانته لالي والبنات الي كان بيعرفهم خطب وحدة قريبة عليهم وتركني بطريقة بشعة جدا كان بيحكي معي هو وهي بيسبوني وبيقولوا عني مريضة نفسيا وانا على قد ما انا انسانة عاطفية وشفافة كنت مصدومة وموجوعة انكسرت جدا جدا جدا جدا وكنت بعاني جدا بس قوية بنفس الوقت كنت اقضي الليل بالبكا وبالنهار اطلع من غرفتي قوية جدا حتى اهلي ما يحسوا علي…ما كنت بدي ياهم يعرفوا انو الانسان الي ضيعت عمري عشانه وعم برفض كل انسان بيتقدملي كان طول السنين بيهيني وبالاخر خطب وحدة تانية بعد ما ذلني……من لما خطبها ولاني بنت ناس عمري ما بعتله مسج او اتصلت , لانو ما بقبل على حالي احكي مع انسان خاطب ولو انو هي الي اخدتو مني….واتقربت من ربنا اكتر واكتر وضليت ادعي ربنا يجبر قلبي وكسره وفعلا ربنا وقف جنبي وجبرني ورجعتلي حيوتي وفرحتي من جديد وصرت اركز بشغلي واطلع مشواير انا وصاحباتي حتى انسى واتزكر عيوبه حتى ما احنله لحد ما اجا يوم ورجع يبعتلي رسائل هو…..رجع عاساس يطمن علي وانا كنت شديدة معاه انو كيف الك عين تبعتلي وتطمن علي بعد كلشي شفته بسببك وهو يقلي انا ما ظلمتك انا قلتلك من الاول شوفي حياتك وزنبك على جنبك انك ضليتي متمسكة فيي. مع ذلك ضلو يبعتلي مسجات…وانا ارفض واقله ما بحكي واحد خاطب…وبيوم فسخ خطبته وقلي انا ندمان وانا ما نسيتك وهاي كانت نزوة بحياتي انا عرفت قيمتك سامحيني وانا فعلا هلا بحبك جدا وعرفت قيمتك ومش ممكن افرط فيكي من جديد ابدا…انا بكرهه بكره كلشي عملو فيي بس بحنله هو كان اول حب بحياتي واخد مني 8 سنين …ف رجاء انصحوني شو ممكن اعمل اسامح ولا لا ولا شو اعمل.

نادين - فلسطين 

لا هو عرف قيمتك ولا شيئ ، هو فقط اشتاق لأنه يشعر بقيمته من خلال حبك له
واهتمامك به ، الذي لم ولن يجده مع احد ، وهو غالبا عارف كويس انه ممكن يبيع ويشتري فيكي وترجعي له عادي ، بعد كل ما فعله بك وما فعلته انت بنفسك ، وكيف هنت عليه وكيف سعي لإذلالك وأخرجك من حياته بطريقة مهينة ، لا أعتقد انه إنسان طبيعي أنه يحاول يرجع لك
هذا الإنسان غير أصيل فلو عرف قيمتك ما تركك من الاول لكنه لم يدرك قيمتك إلا بعد خروجك من حياته ، وأعتقد انه لابد يكون خروج للأبد لانك لو عدت إليه فسيفعل بك أضعاف ما فعله فقد علم أنك لزقة كما قال لك سابقاً
انقذي ما بقي من عمرك وما بقي من كرامتك وانهي هذه العلاقة للأبد يكفي 8 سنوات ضاعوا من حياتك بلا هدف
يكفي ما فعلته بنفسك إن عدت إليه هذه المرة فلا تلومي أحد لا يلدغ المؤمن من جحر مرتين
يكفيك ما أصابك من لدغات طبعا أنت المسئولة بشكل كبير عما حدث لك وستكون المسئولية أكبر لو عدت مرة اخري ووقتها لن يرأف بحالك أحد ولن يقف أحد إلي جوارك فانتبهي لنفسك جيداً ولا تسمحي لاحد بالتلاعب بمشاعرك مرة اخري
درس قاسي يجب أن تتعلمي منه العظة والعبرة وتخرجي من مرارة التجربة قوية لا تسمحي لأحد باستغلالك وابتزازك واستنزاف عواطفك هذا الشخص أو غيره وكوني لنفسك السند والحب وكل شيء حتي ياتي الشخص المناسب الذي يمكنك أن تطمئني له وتكملي معه حياتك ، فيما عدا ذلك فالوحدة والحياة بلا حب أفضل كثيرا من إهدار الكرامة وكسر القلب وضياع العمر .

أدخل مشكلتك هنا لإرسالها لقسم أوتار القلوب
  • ما هو مجموع 5 + 2
        
lahona
الاسم *
البريد الالكتروني
الدولة
عنوان التعليق *
نص التعليق *