طلقتها وعشت معاها لكنها خانتني وعاوز انتقم منها

١ تزوجت من اكتر من ١٠ سنوات من انسانة احسست منذ لقائي بها انها محتاجة لعطف وحنان وزوج يحبها
٢ انجبت منها ولدان وكنا نعمل انا وهي لكي نعيش في مستوى مادي كويس وانا دخلي مش هيكفي الاحلام اللي عايزين نحققها وخصوصا انها كانت بتحلم يكون عندها شقة
٣ كنت اعمل في عمل المهم اني اكسب الفلوس علشان اقدر اعيش البيت وهي تعمل وحاولت كثيرا ان اجتهد اكتر وابحث عن طرق تجعلني اكسب مزيد من الفلوس فكانت تقف بجانبي ونقترض من الاخرين المال واخسر هذا المال ويصبح دينا علينا وكنت لكي تعلم فكنت اكدب عليها وعندما تعلم بيحصل خناق بيني وبينها
وتكرر هذا الموضوع في اقتراضي من اشخاص ولا اقدر ان اوفي بديوني الا على حساب بيتي من زيادة الديون عليه وهي زيادة العمل لها وبدل ما تعمل لكي نوفر المال لشراء شقة كونا بنوفر المال لسداد الديون
٤ وبعد حوالي سنوات من الجواز الذي مر بمشاكل كثيرة باسباب كنت انا سببها وهي تعبها في الشغل وكل ما تدخره من مال يذهب هباءا بدون الاستفادة منه تعبت نفسيا وكانت عايزة تسيب البيت جالها انهيار عصبي لان كررت الموضوع تاني فحاولت ان اصلح خطائي فكنت املك قطعة ارض دفعت هي جزء من المال كتبت لها حقها في الارض لكي اصلح خطائي
٥ ومن بعدها لم اكذب عليها ولا احاول ان اقترض من احد لكي لا اخسر ثانيا
٦ ومنذ سنتين طلبت مني الطلاق اكتر من مرة وفي محاولات مني الى تصليح ما كنت به من سبب في جعل العلاقة الزوجية مليئة بالضغط المادي والنفسي وعدم الاستمتاع بايام شبابي وشبابها
٧ الا انها في تلك الاوقات كنت لا ترغب بي في العلاقة الحميمية وكلما اقتربت منها كانت بتقول انا مابقتش عايزة الحاجات ده لاني انتا كرهتني في الحياة سيبني علشان اعرف اربي الاولاد وانا عارفة اني مقصرة في حقكك لاكن غصب عني مش عارفة احس اني انسانة طبيعية
في الوقت ده كنت انا بشتغل وهي كمان علشان علينا التزمات لازم تسدد
ولاكن كررت طلبها للطلاق لانها حاسة انها بتحرم نفسها مني وده حرام وعليها وزر وكمان ده افضل حل ويمكن لما نبعد عن بعض يمكن الامور تصلح تاني وهي مافيش حاجة في دماغها غير انها تربي الاولاد
٨ حاولت ان ادخل صديقتها في الموضوع لكن لم يجدي الامر نفعا وحتى اهلها مجرد تلميح ليهم كامهمهم مسألة الحفاظ على ماء وجهم وكرامتهم اهم من اسرة بنتهم او اولادها
فكان امامي خيار اما تعرف الاهل والجيران اني طلقت زوجتي ولايوجد حينهاغير ان انها تذهب الى منزل والدها في محافظة اخرى وبالتالي ستترك عملها والالتزمات ستكون عليا لوحدي وهي عبآ كبير سواء اخذت الاولاد او تركتهم
اما الخيار التاني ان ارضى بالطلاق لعل الله يحدث امرا يهدي حالنا ونسدد ما يوجد من التزمات وبعملي وعملهانقدر نجيب شقة وهي يمكن تستريح نفسيا
٩ وذهبنا الى الماذون وابرأت نفسها من حقوقها وكنت اظن ان بهذا الطلاق يمكن الرجوع لها مرة اخرى واستمر الحال ونحن في بيت واحد ظنا منا انه يمكن مراجعتها فكنت لا اعلم ما معنى ابراء وقلت هيبقى اول طلقة وان شاء الله هترجع فترة العدة ويشهد الله على انني لم اعلم ان الابراء لابد من عقد جديد وخصوصا حصل بعدها وطا بيني وبينها رغم انها قبلها كانت ممتنعة عني لفترة كبيرة
١٠ حمدت الله وحاولت ان اغير في نفسي و اجعلها سعيدة ولكن في كلامي معها عرفت ان مش ممكن المسها تاني لان حرام اجامعها لانها اصبحت لا تحل ليا الا بعقد ومهر جديد وانا ماكنتش ممانع لكن هي عندها اسباب كتيرة واهمها ان نفسيتها مش قابلة لا زواج ولا جماع ولا في راجل هي عايزه
١١ بقيت محتار ومش عارف اعمل ايه واركز في شغلي خايف اقول لحد الموضوع يكبر وكنت بحاول احل الموضوع اني اضغط عليها في ان اسيب البيت والاولاد فكانت بتصبرني بكلمات لو بتحبني استحملني يمكن ربنا يهديني ونرجع وكمان لو انت مشيت مين هشيل معايا التزمات البيت بص للعيال وانا ست ولو اهلي عرفوا هتاخد العيال والدنيا هتصعب قوي
١٢ اضطرت استحمل واصبر لعل الله يحدث امرا في مصلحة علشان حتى الاولاد ما يبعدوش عني او عنها
١٣ ومرت بعض شهور واحنا مع بعض مطلقين وانا في معاناة والم ومش لاقي حل وحياتي العملي كش عارف اركز فيها وفي يوم بفتح الصور عندها بالصدفة شوفت صورة راجل غريب في بيتي بدون ملابس وبمحدثات بينهم
مش قادر انقل ليكم مشاعري كانت ازاي والغضب كان واصل اني ممكن اقتلها وحقيقي لكن وانا بواجها رغم انها بتنكر يمكن كانت خايفة مني ساعتها لاني كان باين عليا الشر وقالت ليا كلمة صعبة عليا بتالم منها الى الان وهي ( استر عليا ربنا يسترها عليك وعلى اولادك ) واستخبت وراء العيال وحاولت اتكلم معها وخايفة تجي لاني كنت هاموتها
سيبتها ونزلت والغضب وكسر الرجولة كان صعب عليا ومش عارف اعمل ايه غير اني بقول يارب ليه اشمعنة انا ده انا عمري ما خنتها ولو بكلمة ده جزاتي
حاولت اصبر نفسي ببعض الكلمات الالهية ونمت برة وتاني يوم قالت لاهلها

١٤ اتى والدها وكان اللي شغله انها مش غلطت في حقك لانك كنتوا مطلقين وهي انتا ماتعرف عنها حاجة قبل كده تمس شرفك دلوقتي ده شرفنا اهلها وانت غلطان ازاي تضحك عليا وتطلق ابنتي من غير ماتقول وكمان تقعد معها وانتوا مطلقين حاولت ابرر موقفي لكن موقفي ضعيف
١٥ طبعا سيبت البيت وانا في غضب شديد وتالم ومش عارف حتى اشكي لحد اتكلمت معها في التليفون وان اهلها ضربوها وخايفة الصورة تروح لحد غير اهلها وكانت بتقول ارحمني ارجوك انا طول عمري عايشة معاك خدامة ليك وللعيال وما قصرت معاك في حاجة افتكر ليا حاجة حلوة وانا ام اولادك وانت اكتر واحد اتسبب في اللي حصل خلتني من كتر ما بتكذب عليا وضيعت تعبي في الشغل في الفلوس اللي كنت بتصرفها في مشاوير غلط فقدت ثقتي فيك وخسرت نفسي خليني اعيش علشان حتى اولادي
وبعدها كنت بكلم ولادي وسمعت منهم انها بتعيط حاولت اعرف منها في ايه قالت ليا انا بسببك انا قلت لل (ش) انك عرفت كل حاجة ومعاك صورته وهو بدون ملابس وخلتني اتجوزه علشان ما تكونش الصورة انت وريتها لحد علشان تذلني وتخليني اطرد من الشغل ده غير كمان ان ماكنتش احب اتجوز كده بالشكل ده
لا وكمان اهله مش عايزين الجوازة ده لانه متجوز قريبته ومصمم على الطلاق وحددوا ميعاد للطلاق وهي بتكلمني بتعيط على بختها المايل
١٦ قلت يمكن ربنا بياخد حقي والله اعلم وبعد اسابيع عرفت انها على علاقة بنفس الشخص وانها بتقبله وكمان بيمارس معها العلاقة وده اكيد لاني كنت براقبها
السوال هو ؟
ماذا افعل
هل افضحها بصورة ممكن تاذيها في عملها وده ممكن ياثر على اولادي
هل ابلغ زوجة الرجل الاخر علشان اذيه في بيته وعمله
هل اطلبها بالاولاد واحرمها منهم مع العلم لا يوجد من تراعهم
هل اضغط عليه لتعطيني مالي وقطعة الارض التي تنازلت عليه لها وهي مش هترضا بالسهل كده
هل اصبر وانتظر حكم الله واتحمل وجعي والمي الذي يبكيني كل يوم بكاء المريض المكسور المهزوم الضعيف الفقير الذي لايجد حتي صرخة يتنفس بها عن المه
افيدوني واعذروني ان اطلت عليكم فقصتي طويلة لان بها من العمر كثير
ولي اولاد صغار هما كل مالدي من خير

هشام - مصر 

 

ما كل هذا العك ، حياة كلها غلط في غلط من أولها لآخرها ، كيف تستقيم وهي معوجة علي هذا النحو ، ليس في حياتك شيئ واحد صح سوي أولادكم فيما عدا ذلك كله غلط
والحقيقة أنك تتحمل الجزء الأكبر من المسئولية ، وليس معني ذلك أن زوجتك معفاة وليس عليها وزر فهي ايضاً مخطئة وشريك معك في حياة مترهلة مهترأة خاوية وخالية م كل مواثيق الامانة والشرف ، طلقتها طلقة بائنة ، وتعيش معها في نفس البيت وانت تقبل وهي تقبل من أجل الاولاد ، إذا لماذا حصل الطلاق ، وما الفكرة في ترك الحلال والانغماس في الحرام بحجج باطلة
ثم علاقتها بالشخص الآخر حرام فوق حرام وخيانة وانحطاط ثم زواج غصبتها أنت عليه كما تقول خوفاً من الفضيحة لانها لم تكن تود الزواج بهذه الطريقة ، بل كانت تود استرمار العلاقة معه من دون زواج لكي لا يغصبها أحد علي شيء أي منطق فاسد هذا واي عبث ذاك الذي تسير به الحياة بينكما
علي كل حال إن كنت تريد الصلاح لنفسك ولاولادك وإن كانوا بحق هم أهم ما لديك
فيجب ان تبتعد بهم عن هذا الجو الموبوء والحياة المريبة التي يعيشونها مع أب ضعيف مهزوز وأم مستهترة ضايعة
كل ما تفكر به من أساليب الانتقام ليس حلاً ـ بل سيزيج الحياة تعقيداً وسيزيد الامر سوءاً وأول المضارين هم أولادك وسمعتهم وسمعتك أنت أيضاً تفاهم معها بالحسني وخذ أولادك بعيداً واحصل منها علي ما تريده من أرض او مما إلي مما تريد استرادده منها
وانتبه لمستقبل أولادك ولا تتركهم معها فيشبون علي تلك الحياة الرخيصة
وانت إن كنت لا تستطيع تحمل مسئوليتهم والانفاق عليهم فما فائدتك وما دورك ، وإن لم تفعل ذلك الآن وتحارب من أجل سلامتهم فمتي ستتحرك إذن ، هل تتنظر كوارث وفضائح أكثر من ذلك ، استيقظ وأفق والحق ما بقي من وعمرك ومن طاقتك وفره لأولادك فربما يمن عليك الزمن بزوجة صالحة تكون لك حصناً وتكون لهم أم رؤوم
المهم الا تقف مكتوف الأيدي ، أو تفكر في الانتقام كل ذلك مضيعة للوقت والجهد ولا فائدة منهما ٍ

أدخل مشكلتك هنا لإرسالها لقسم أوتار القلوب
  • ما هو مجموع 9 + 4
        
lahona
الاسم *
البريد الالكتروني
الدولة
عنوان التعليق *
نص التعليق *