طاجن لحمة راس من الشيف غادة عاطف

المقادير:
10 عدد عيدان كرفس
5 ملعقة كبيرة ماء
4 عدد بصلة
2 عدد ورق لورا
2 عدد طماطم
2 ملعقة كبيرة فص ثوم (مفروم)
2 عدد رأس كرات (مفرومة)
2 عدد بطاطس (مقطع شرائح أو مكعبات)
2 ملعقة صغيرة فلفل اسود مطحون (أو حسب الرغبة)
2 ملعقة كبيرة صلصة طماطم
1.1\4 كوب عصير طماطم
1كوب بسلة
1 رشة جوزة الطيب
1 ملعقة صغيرة بهارات لحمة
1 ملعقة صغيرة حبهان
1 عدد حباية جزر (مقطعة)
1 عدد قرن فلفل حامى
1\2 كيلو لحمة (راس)
1\4 ملعقة صغيرة كمون

الخطوات:
أهم شىء فى لحمة الراس انها تتنضف بالماء والملح والليمون قبل السلق.
فى وعاء هنسلق لحمة الراس من ساعة لساعة ونصف مع جزرة مقطعة وبصلة وكرفس وراس كرات مفرومة وورق لورا وحبهان والملح والفلفل.
فى وعاء على النار هنضيف زيت وملعقتين كبار ثوم مفروم وبصلتين مفرومين ونقلبهم .
هنضيف ملعقة كبيرة كرفس ومعلقة كبيرة راس كرات مفرومة ونقلب .
هنضيف كوب البسلة ونقلب و نضيف طماطم مقطعة مكعبات ونستمر فى التقليب ثم نضيف كوب عصير الطماطم ونقلب .
هنضيف الكمون ورشة جوزة الطيب و بهارات اللحمة و ملعقة صغيرة فلفل و صلصة الطماطم ونقلب .
بعد ما اللحمة تتسلق نخرجها من الوعاء ونضعها فى وعاء الصوص ونقلبها بدون رفع وعاء الصوص من على النار.
نحضر الطاجن وهنضيف فيه 2 بطاطس شرائح 1طماطم شرائح و فلفل اخضر شرائح وبصلة شرائح وربع كوب عصير طماطم. وقرن فلفل حار.
هنرفع لحمة الراس من الصوص ونضعها فى الطاجن وفى الأخر هنضيف الصوص كله فى الطاجن ومعه حوالى 5 ملاعق كبار ماء ونغطى الطاجن بفويل ويدخل الفرن حوالى ساعة ويقدم وبالهنا والشفا .

lahona
الاسم *
البريد الالكتروني
الدولة
عنوان التعليق *
نص التعليق *