ناقد موضة محمد الشريف: 5 فنانات حالفها الحظ بإطلالاتها بمهرجان القاهرة!
لهن - فاطمة بدار

تألقت نجمات مصر والوطن العربى على السجادة الحمراء بإفتتاح مهرجان القاهرة السينمائى الدولى فى دورته الـ 40، و الذى غلب اللون الأسود على معظم الإطلالات بالمهرجان .

و أوضح محمد الشريف - ناقد الموضة الأول فى مصر -: أن هناك الكثير من الفنانات وُفقت فى إختيار الإطلالة المناسبة للظهور بالمهرجان، ومنهم من أثارت الدهشة أو خدعها شكل الفستان ولم يليق على جسمها أو تسريحة الشعر .

و قدم ناقد الموضة محمد الشريف أبرز اطلالات النجمات على الريد كاربت بالمهرجان، سواء بإختيار الفستان والشعر والمكياج .

وبدأ الشريف بالفنانة درة قائلاً:

الفستان شيك اوى و لايق جدا على المهرجان الشك و التطريز اللى فيه كتير بس ده ادالو رونق اكتر و طبعا اللون الأسود و امتزاجه مع الذهبى دايما بيكون ناجح الشعر تحفة و منسق جدا الميك اب هادى و متناسق المجوهرات بسيطة و جميلة و الفستان من تصميم المصمم زهير مراد

وإنتقل بعد ذلك لإطلالة الفنانة ريهام حجاج، قائلاً: الفستان deja vu شوفناه كتير ماشى لكن على ريهام طالع مختلف بجد قد ايه شيك و لايق عليها جدا بجد طالعة قمر و الميك اب و الشعر بينهم تنسيق يجنن تسلم ايد الستايليست المبدع سعيد رمزى و الفستان من تصميم مصمم الأزياء زهير مراد.

وعن إطلالة الفنانة نسرين طفاش على الريد كاربت بمهرجان القاهرة السينمائى، قال ناقد الموضة محمد الشريف: الفستان شيك اوى و لايق عليها و على المهرجان بجد المخمل من اكتر الأقمشة اللى لما بتدخل على اى تصميم بتزيد من رونقه الشعر و الميك اب بنهم تنسيق هايل المجوهرات حلوة و شيك بس العقد كنت اتمنى يكون انعم و ابسط من كده و الفستان من تصميم المصممة هويدا البريدى.

وتأتى الفنانة لقاء الخميسى من أفضل الإطلالات الموفقة، وعلق على إطلالتها محمد الشريف قائلاً:
جمال و شياكة و انوثة طالعة قمر فستانك حلو اوى و قمر زيك و طبعا مقدرش انسى انو القالب غالب رشاقة و تناسق جسدى حبيت الفستان جدا و نحتت الوسط مع الحزام تحفة و مبينة رشاقتك جدا بس كنت افضل لو يكون ال clutch اصغر من كده بالنسبة للميك اب كنت افضل لون اغمق شوية للشفايف لانو فى الصور باهت شوية بس الشعر هايل و التنسيق اللى بنهم جميل حقيقى و تنضمى لأحلى الإطلالات بالمهرجان و الفستان من براند boutique و اللوك من رؤية ال Art Director إيهاب العادلى.

وآخر إطلالة موفقة جاءت من نصيب الفنانة يسرا، ووصفها محمد الشريف قائلاً: الفستان شيك و فخم جدا لون و قماشه غنية و طالعة قمر مع انى كنت افضل على يسرا فستان يكون مخطط بالطول عشان يدى طول للجسم اكتر مع تسريحة الشعر كان هيبقى رائع و عجبنى جدا الحزام فى مكانه محددلى الوسط بطريقة جميلة و الميك اب هادى و بسيط و الفستان من تصميم مصمم الإزياء إيلى صعب.

محمد الشريف

محمد الشريف

lahona
الاسم *
البريد الالكتروني
الدولة
عنوان التعليق *
نص التعليق *