كيفية تثبيت الوزن بعد الرجيم

تثبيت الوزن هو أن تحصل على سعرات توازي المجهود المبذول يوميا وأن تراقب ما تأكله بعد التوقّف عن الريجيم، مع مراقبة الوزن كل فترة، والمفروض إن الشخص يكون اتعوّد على طريقة الأكل الصحيحة أثناء فترة الريجيم. وفيه أكتر مِن شكل للتثبيت إما بتقليل كميات الأكل؛ بمعنى إن الشخص ياكل كل حاجة لكن بكميات أقل مع ممارسة التمارين الرياضية اليومية المتاحة؛ زي المشي، أو طلوع السلم، أو ركوب العجل أو الرقص.

والطريقة التانية إن الشخص يوازن بين الوجبات؛ يعني لو في اليوم الشخص اللي بيعمل تثبيت أخد راحته في الأكل؛ فاليوم اللي بعده لازم يمشي على ريجيم، ولو لَخْبَط في الأكل يومين، اليومين اللي بعدهم يمشي على الريجيم. المهم إن الشخص يوزن نفسه مرة أسبوعيا؛ علشان لو لقى وزنه زايد يقدر يلحق نفسه بسرعة ويخس الوزن اللي زاده، ولازم ناخد في الاعتبار إن التثبيت بيختلف من شخص لآخر حسب طبيعة نشاطه، وكمان حسب الحالة المزاجية؛ يعني فيه ناس بتحب تاكل لحد ما تشبع، وفي الحالة دي عند التثبيت لازم نكتّر من الأكل اللي بيخلينا نشعر بالامتلاء؛ زي: السلطة والفاكهة......

و أيضا من الطرق المساعده على ثبات الوزن هو جلسات حقن الميزوثيرابى الموضعيه (حقن اذابة الدهون) لانه يقلل عدد الخلايا الدهنيه فى المناطق الزايده وبالتالى صعب جدا تزيد زى الاول لكن بشرط يكون الميزوثيرابى بالطريقه الصحيحه ومع طبيب عنده خبره كويسه بالميزوثيرابى حتى يحقق نتيجه جيده .

وعموما هو اسلوب حياه ولازم تواظبى على المشى وتقللى قدر الامكان من الاكل المحمر والدهون والدليفرى والحلويات والمشروبات الغازيه وتكترى من الخضروات الطازجه والفواكه (عدا العنب والتين والبلح والبطيخ )والاكل المشوى واللبن والزبادى خالى الدسم.

lahona
الاسم *
البريد الالكتروني
الدولة
عنوان التعليق *
نص التعليق *